“Toyota” və “Panasonic” birgə müəssisə yaradacaq

0
Toyota Motor Corp President Akio Toyoda (L) and Panasonic Corp President Kazuhiro Tsuga attend a joint news conference in Tokyo, Japan, December 13, 2017. REUTERS/Toru Hanai

Yaponiyanın “Toyota” avtomobil istehsalçısı və “Panasonic” korporasiyası bina tikintisi, avtonom avtomobil idarəetmə və “ağıllı” ev texnologiyaları sahəsində biznesi birləşdirəcək birgə müəssisə yaradacaq.

Birgə müəssisənin yaradılması ilə bağlı qərar “Toyota” şirkətinin icraçı direktoru Masaeşi Şirayanaqın və “Panasonic” rəhbəri Makoto Kitanonun mayın 9-da Tokioda keçirilən birgə mətbuat konfransında açıqlanıb.


Kredit müraciəti

Sizin müraciətiniz banka göndərildi.

Məlumata görə, müəssisənin tərkibinə “Toyota” və “Panasonic”in bina tikintisi ilə məşğul olan törəmə şirkətləri, o cümlədən “Toyota Home”, “Misawa Home”, “Panasonic Homes”, “Panasonic Construction Engineerin” və “Matsumura-gumi” daxil olacaq. Şirkətlərin hər biri birgə müəssisədə səhmlərin 50 faizinə sahib olacaq.

Bildirilir ki, yeni təşkilat, həmçinin müasir şəhərlərin texnoloji infrastrukturu, o cümlədən avtomatlaşdırılmış avtomobil idarəetmə və “Əşyalar interneti” texnologiyalarının inkişafı ilə məşğul olacaq.

Qeyd edək ki, yanvarın 20-də “Toyota” və “Panasonic” şirkətləri elektromobillər üçün bərk cisimli akkumulyatorlar istehsal edəcək birgə müəssisə təsis ediblər.

©İctnews