“Əgər İran və ABŞ arasında müharibə başlasa, bu çox qısa bir müddət davam edəcək”, – deyə ABŞ prezidenti Donald Tramp bildirib.
Banker.az xəbər verir ki, “Mən ümid edirəm ki, heç bir müharibə olmayacaq, amma bizim mövqeyimiz çox güclüdür. Və bu müharibə çox qısa olacaq”, – deyə prezident əlavə edib.
Tramp müharibə başladığı təqdirdə İrana əsgərlərini göndərməyi planlamır. “Orada əsgər olmayacaq”, – deyə prezident izah edir.
“Mən demirəm ki, orada hərbi qüvvələr olacaqdır. Mən demirəm ki, oraya öz əsgərlərimizi göndərəcəyik. Mən deyirəm ki, əgər nə isə baş versə, bu çox tez başa çatacaq”, – Tramp bir daha vurğulayıb.
ABŞ prezidenti müharibə ideyasından məmnun olmadığını bildirib. “Mən onlarla çox nəzakətli davrandım. Mən iranlıları öldürmək istəmədim. Mənim bir çox iranlı tanışlarım var, onlardan çox xoşum gəlir”, – deyə prezident yekunlaşdırıb.
