ABŞ-ın keçmiş prezidenti Donald Tramp 2024-cü ildə keçiriləcək prezident seçkilərində iştirakı ilə bağlı qərarını artıq verib. O, bu barədə cümə axşamı “Intelligencer” nəşrinə müsahibəsində deyib.
Banker.az bu barədə “TASS”a istinadən xəbər verir.
“Özüm üçün artıq qərar vermişəm, ona görə də artıq heç bir faktor ona təsir etmir. Mental olaraq qərar artıq verilib”, – deyə prezident qeyd edib.
“Intelligencer”ə görə, Tramp iyulun 4-ü Müstəqillik Günü prezidentliyə namizədliyini irəli sürmək planlarını açıqlamaq istəyib, lakin övladları, həmçinin senator Lindsi Qrem və Nümayəndələr Palatasında azlıqların lideri Kevin onu bu işdən çəkindiriblər. Eks-prezident bu məlumatı təkzib edərək bildirib ki, iyulun 4-ü “anons vermək üçün ən yaxşı vaxt deyil”, çünki bir çox insan bayramlarda istirahətə gedir.
