ABŞ prezidenti Donald Tramp, koronavirusun yayılmasına qarşı mübarizə çərçivəsində müvəqqəti olaraq ölkəyə immiqrasiyanı qadağan edəcəyini söyləyib.
Banker.az bu barədə xarici KİV-ə istinadən xəbər verir.
“Görünməz düşmənin hücumu, eləcə də gözəl vətəndaşlarımızın iş yerlərini qorumaq fonunda, ABŞ-a immiqrasiyanı müvvəqəti olaraq dayandırılmasına dair fərman imzalayacağam!”, – Tramp öz “Twitter”-də yazır.
“İqtisadi böhranla müşaiyət olunan uzun müddətli karantin, cəmiyyətin sağlamlığına böyük zərbə vuracaq”, – prezident vurğulayır və intihar hallarının artması riskini qeyd edir.
ABŞ-ın Əmək Nazirliyinin verdiyi məlumata görə, bu həftə işsizlik müavinəti üçün ümumilikdə 5,2 milyon amerikalı müraciət edib, “Bloomberg” yazır. Son bir ayda ölkədə 20 milyondan çox insan işini itirib.