ABŞ Prezidenti Donald Tramp sələfi Co Baydenin avtomatik qələmlə imzaladığı bütün sərəncamlarını ləğv etdi.
Tramp bu barədə öz “Truth” hesabında məlumat verib.
“Yuxulu Co Baydenin avtomatik qələmlə imzaladığı bütün sənədlərin təxminən 92%-i artıq ləğv edildi və artıq qüvvədə deyil. Birləşmiş Ştatlar Prezidenti tərəfindən birbaşa icazə verilmədikcə avtomatik qələmdən istifadə qadağandır”, – Tramp yazıb.
Onun sözlərinə görə, Demokratlar faktiki olaraq prezidentlik səlahiyyətlərini Baydendən alıblar.
Tramp qeyd edib ki, buna görə də, Co Bayden tərəfindən birbaşa imzalanmayan bütün icra sərəncamlarını və digər sənədləri ləğv edib. Çünki avtomatik qələmi idarə edən insanlar qanunsuz hərəkət ediblər.
