ABŞ prezidenti Donald Tramp bildirib ki, əgər BRICS ölkələri dollara alternativ valyuta yaratsalar və ya qarşılıqlı hesablaşmalarda Amerika valyutasından istifadə etməkdən imtina etsələr, o, bu ölkələrə münasibətdə 150% rüsumlar tətbiq edəcək. Ölkə rəhbəri bu barədə respublika qubernatorları ilə görüşdə bildirib.
Tramp ABŞ-nin BRICS ölkələrinin mallarından asılı olmadığını və dolları dünyanın ehtiyat valyutası kimi qorumaq üçün sərt tədbirlər görməyə hazır olduğunu vurğulayıb. Bundan başqa, o, idxala yüksək rüsumların tətbiqinin ölkəyə gəlir vergisindən tamamilə imtina etməyə imkan verə biləcəyi fikrini ifadə edib.
Qeyd edək ki, BRICS-ə Rusiya, Braziliya, Hindistan, Çin, Cənubi Afrika, İran, Misir, Efiopiya, BƏƏ və İndoneziya daxildir. Vladimir Putin 2024-cü ildə Kazan sammitində deyib ki, BRICS dollarla mübarizə aparmır və ondan imtina etməyi düşünmür.
