FTB-nin keçmiş direktoru Ceyms Komi agentliyin 2016-cı ildə səhv etdiyini etiraf edib.
Ceyms Kominin “Fox News”-a verdiyi müsahibədə ABŞ-ın hazırkı prezidenti Donald Trampa nəzarət haqqında danışıb. FTB-nin sabiq direktoru ABŞ-ın Ədliyyə Nazirliyinin baş müfəttişi Maykl Horovitsin dekabrın 9-da dərc etdiyi hesabatı barədə soruşub. Hesabatda həyata keçirilən müşahidədən danışılırdı.
Maykl Horovitsin hesabatda 17 bənd üzrə pozuntuları aşkar etdiyini bildirib.
Kominin sözlərinə görə, o, “FTB və Ədliyyə Nazirliyinin 20 il ərzində apardığı prosedurlara çox etibar etmişdir”. Büronun keçmiş rəhbəri etiraf edir ki, “göstərilən 17 bənd ya göstərilməli, ya da heç olmasa müzakirə olunmalı idi”.
Donald Trampın reaksiyası (ənənəvi olaraq “Twitter” də) belə olub: “Nəhayət, Komi səhvini boynuna alıb. Əslində, onu artıq çoxdan tutublar. Bəs onun qanunsuz əməllərinin nəticələri nə olacaq? Bəlkə bir neçə illik həbs? Məndən və digərlərindən üzr istəyənlər haradadır?, – deyə prezident sosial media hesabında yazıb.
Xatırladaq ki, FTB-nin keçmiş rəhbəri Barak Obama administrasiyası dövründə vəzifədə olub və 2017-ci ildə Tramp tərəfindən işdən çıxarılıb. Əsas səbəb kimi “səlahiyyətindən sui-istifadə” və “etimadın itirilməsi” göstərilir. Ceyms Kominin istefası 2016-cı il prezident seçkilərində Tramp və Rusiya arasındakı münasibətlərlə bağlı narahatlıqlar yaratdı.
Bu ilin oktyabr ayında Komi 2020-ci ildə Trampın yenidən seçildiyi halda, Yeni Zelandiyaya köçəcəyini bildirib.
