Tramp iqtisadi məsləhətçisini istefaya göndərir
ABŞ prezidenti Donald Tramp, iqtisadi məsləhətçisinə öz təşəkkürünü bildirib. Bu haqda prezident 2 iyunda öz Twitter hesabında yazıb.
“Kevin Hassett mənim və administrasiya üçün çox böyük iş görüb, yaxın bir zamanda o gedəcək”, – ABŞ prezidenti yazıb.
Prezident Kevin Hassett-ə öz təşəkkürünü bildirərək, onu “həqiqi dost” adlandırıb.
Xatırladaq ki, 57 yaşında olan Hassett 2017-ci ildən bəri iqtisadi məsləhətçilər Şurasının sədri vəzifəsini icra edir. O, 2004 və 2012-ci ildə keçirilən seçki kompaniyalarında da iştirak edib.
