ABŞ İranın nüvə silahı əldə etməsinin qarşısını almağa diqqət yetirir.
Bu barədə ABŞ Prezidenti Donald Tramp “Truth Social”da bildirib.
Tramp qeyd edib ki, ABŞ dünyanın ən böyük neft istehsalçısıdır və neft qiymətləri qalxdıqda ölkə böyük gəlir əldə edir.
ABŞ liderinin sözlərinə görə, Prezident kimi onun üçün daha böyük əhəmiyyət kəsb edən məsələ İranın nüvə silahına sahib olmasının qarşısını almaqdır: “Prezident kimi mənim üçün daha böyük maraq və əhəmiyyət “şər imperiyası – İranın” nüvə silahı əldə etməsinin qarşısını almaqdır. Yaxın Şərqin və bütün dünyanın məhv edilməsinin qarşısını almaq mənim üçün prioritetdir və buna heç vaxt imkan verməyəcəm!”
