ABŞ prezidenti Donald Tramp bildirib ki, qarşıdakı bir ay ərzində İranla razılaşma əldə etməyi gözləyir. O, eyni zamanda danışıqları “istədiyi qədər uzun” aparacağını deyib.
“Düşünürəm ki, bu, növbəti ay ərzində baş verəcək, təxminən belə. Çox vaxt aparmamalıdır, bu, tez baş verməlidir”, — deyə Amerika prezidenti vurğulayıb.
Jurnalistlər cənab Trampdan soruşublar ki, İsrailin Baş naziri Binyamin Netanyahu ondan İranla danışıqları dayandırmağı xahiş edibmi. İsrailin Baş naziri ilə görüş fevralın 11-də baş tutub. “Biz bunu müzakirə etmədik. Mən onlarla istədiyim qədər danışacağam və görək, onlarla razılaşma əldə edə biləcəyikmi”, — deyə ABŞ prezidenti cavab verib.
Həmçinin cənab Tramp bildirib ki, danışıqlar uğursuz olarsa, vəziyyət İran üçün “çox ağrılı” olacaq. “Mən bunu istəmirəm”, — deyə prezident etiraf edib.
İran və ABŞ arasında nüvə proqramı ilə bağlı danışıqlar fevralın 6-da Omanda keçirilib. Bu gün “The Wall Street Journal” (WSJ) mənbələrə istinadən xəbər verib ki, Pentaqon İran ərazisinə mümkün zərbə endirilməsi halında onun sahillərinə göndərmək üçün ikinci təyyarədaşıyan gəminin hazırlanmasına başlayıb.
