ABŞ prezidenti Donald Tramp təsdiqləyib ki, o, 1 noyabrdan etibarən Çinlə ticarətə 100%-lik gömrük rüsumları tətbiq etmək niyyətindədir. Onun sözlərinə görə, həmin tarixə qədər “hələ çox vaxt var”.
“Bəli, hazırda vəziyyət belədir”, — deyə ABŞ prezidenti Yaxın Şərqə səfəri zamanı təyyarədə jurnalistlərə bildirib.
Oktyabrın 10-da Donald Tramp bəyan etmişdi ki, Vaşinqton Pekinin “xüsusi aqressiv mövqeyi”nə cavab olaraq Çin məhsullarına 100%-lik tariflər tətbiq edəcək və proqram təminatı üzrə ixrac nəzarəti tədbirləri görəcək. Bu tədbirlər nəticəsində ABŞ-nin Çin Xalq Respublikasından idxal olunan mallara ümumi tarif dərəcəsi 130%-ə çata bilər.
