Ağ Evin keçmiş rəhbəri Donald Tramp özünü ABŞ-ın 47-ci prezidenti adlandırıb. Sosial şəbəkədə siyasətçinin videosu yayılıb. O, qolf oynayarkən kamera qarşısında deyib: “Televiziyada ilk dəfə: ABŞ-ın 45-ci və 47-ci prezidenti”.
Xatırladaq ki, ABŞ-ın 47-ci prezidenti 2024-cü ildə seçiləcək. Tramp Respublikaçılar Partiyasından dövlət başçısı postu uğrunda növbəti dəfə yarışmaq niyyətində olduğunu bildirib. Oxşar istəyi demokratları təmsil edən hazırkı prezident Co Bayden də dilə gətirib.
