22 C
Baku
Thursday, September 29, 2022

Tramp rəqibi ilə mübarizədə Çindən kömək istəyə bilər

ABŞ Prezidenti Donald Tramp tək Ukraynaya deyil, həm də Çinə keçmiş amerikalı vitse-prezident Co Baydenə və onun ailə üzvlərinə qarşı istintaq aparmağı təklif edir. Bu barədə ölkə başçısı jurnalistlərə açıqlamasında deyib.

Trampın sözlərinə görə, Pekin situasiyanı öyrənməyə başlamalıdır. Eyni zamanda, amerikalı lider bildirib ki, bu xahişlə hələ ÇXR sədri Si Cinpinə müraciət etməyib. “Amma şübhəsiz ki, biz bu haqda düşünməyə başlaya bilərik”, – Tramp əlavə edib.

“Reuters” qeyd edir ki, Trampın bu bəyanatı ABŞ və Çin arasında davam edən ticarət müharibəsi fonunda qeyri-adi görünür.

Qeyd edək ki, sentyabrın 25-də Nümayəndələr Palatasında Trampın impiçment proseduruna başlanılıb. Buna bəhanə onun Ukrayna lideri Vladimir Zelenski ilə telefon danışığı olub. Demokrat partiyasının üzvləri süubut etmək istəyir ki, ABŞ başçısı ukraynalı həmkərına Con Baydenin oğlunun korrupsiya işinin araşdırılmasında təşviq göstərməsi üçün təzyiq edib.  2020-ci ildə keçiriləcək prezident seçkilərində Co Bayden Donald Trampın əsas rəqiblərindən biri hesab edilir. 

©Qafqazinfo.az

 
Son xəbərlər
Oxşar xəbərlər