ABŞ Prezidenti Donald Tramp “Rusiya ilə sövdələşmə”yə getmək istədiyini bildirib.
Bu barədə, ABŞ Prezidenti Niderlandda keçiriləcək NATO sammitinə gedən təyyarədə jurnalistlərə açıqlama verib.
“Mən buna baxmalıyam. Amma Rusiya ilə sövdələşməyə getmək istərdim. Bildiyiniz kimi, Rusiya Prezidenti Vladimir Putin mənə zəng edib. O dedi: “İranla bağlı sizə kömək edə bilərəmmi?” Mən cavab verdim: “Xeyr, mənə İranla bağlı kömək lazım deyil. Mənə sizinlə bağlı kömək lazımdır”. Ümid edirəm ki, biz Rusiya ilə sövdələşmə bağlaya biləcəyik”, – D.Tramp bildirib.
