ABŞ prezidenti Donald Tramp Rusiya və Ukrayna arasında danışıqlarda iştirak etmək üçün İstanbula getməyəcək. Bu barədə “Reuters” agentliyi məlumat yayıb.
Bundan əvvəl Vladimir Putin danışıqların mayın 15-də İstanbulda keçirilməsini təklif edib, lakin özü iştirak etməyi planlaşdırmadığını vurğulayıb. Mayın 14-ü axşam saatlarında Kreml nümayəndə heyətinin tərkibini təsdiqləyib. Volodimir Zelenski isə öz növbəsində bildirib ki, Vladimir Putindən başqa heç kimlə danışıqlar aparmağın mənası yoxdur.
Mayın 13-də ABŞ prezidenti Donald Tramp amerikalı rəsmilərin Rusiya-Ukrayna danışıqlarında iştirak edəcəyini açıqlamışdı. Nümayəndə heyətinə dövlət katibi Marko Rubio rəhbərlik edəcək.
