ABŞ prezidenti Donald Tramp Venesuelanın OPEC-də üzvlüyünün saxlanmasını dəstəklədiyini bildirib. Bununla belə, Reuters-ə verdiyi müsahibədə o, bunun “ABŞ üçün daha yaxşı olub-olmayacağına əmin olmadığını” qeyd edib.
Venesuelanın ABŞ-nin təsiri altında olduğu bir şəraitdə OPEC-in neft hasilatına dair məhdudiyyətlərinə əməl edib-etməyəcəyi ilə bağlı suala Tramp cavabında bildirib ki, “bu haqda danışmaq hələ tezdir və onun səlahiyyətləri çərçivəsindən kənara çıxır”.
Daha əvvəl Ağ Evin nümayəndələri Reuters-ə bildiriblər ki, Venesuelanın OPEC-də üzvlüyünün saxlanması məsələsi müzakirə olunmayıb. Qeyd edilib ki, Tramp neft hasilatını artırmağa cəhd edərsə, OPEC isə qiymətləri dəstəkləmək üçün hasilatı azaltmağa çalışdığı bir vaxtda bu mövzu gərginlik mənbəyinə çevrilə bilər.
