Vaşinqtonun Tehrana qarşı sərt hərbi ritorikası, Donald Tramp administrasiyasının İslam Respublikasına qarşı olan daha konkret planlara kölgə salır: yeni sanksiyalar zəifləmiş İran iqtisadiyyatını məhv etməlidir.
Banker.az xəbər verir ki, Prezident Trampın prezident vəzifəsinin icrasına başlamadan əvvəl anti-İran siyasətini inkişaf etdirən rəhbərliyin yüksək səviyyəli rəsmiləri, vəziyyətin qeyri-sabitliyinə və İranın liderliyini pozmağa yönəlmiş yeni sanksiyalar paket hazırlayırlar. Bu, ehtimal ki, hərbi əməliyyatların alternativ variantı ola bilər.
Təqdim olunan təkliflər arasında, İran iqtisadiyyatının bütün sektorlarının, o cümlədən neft-kimya sektorunun “qara siyahıya” daxil edilməsi var. Bu haqda “The Daily Beast” Vaşinqton rəhbərliyində iki mənbəyə istinadən xəbər verir.
Tehrana qarşı təcavüzkar sanksiya siyasəti prezident üçün yeni bir şey deyil. Trampın prezident vəzifəsinə gəldiyi gündən etibarən, Ağ Ev İranda təxminən bir min fiziki və hüquqi şəxs üzərinə müxtəlif məhdudiyyətlər tətbiq etmişdir. Bununla yanaşı, yeni sanksiyalar paketi bir çox ölkələri və beynəlxalq şirkətləri çətinliyə salaraq, qanuni olaraq İran iqtisadiyyatının əsas sektorlarında biznes aparmağı qeyri-mümkün edəcək.
ABŞ-İran münasibətlərində kəskin pisləşmənin fonunda iqtisadi cəza tədbirlərinin növbəti mərhələsi hazırlanır. Ötən həftə ərzində Tramp administrasiyası Yaxın Şərqə B-52 hərbi təyyarə və gəmilərini göndərib. Bölgəyə 120 min ABŞ əsgər göndərmək və Bağdadda ABŞ səfirliyinin qismən evakuasiya edilməsi planlaşdırılır.
Hərbi ritorika birbaşa və ya gözlənilməz qarşıdurmanın baş vermə ehtimalını artırır. Belə bir ssenaridən narahat olan qanunvericilər, Trump administrasiyasını konqresi Vaşinqtonun atdığı addımlar barədə məlumatlandırmağa çağırıblar.
Ağ Ev İslam Respublikasında rejimi devirmək arzusundan açıq danışmaqdan imtina etməsinə baxmayaraq, Trump administrasiyasının ekspertləri və tərəfdarları açıq şəkildə Tehran rejimini yeni sanksiyalar sayəsində aşa biləcəyini bəyan edirlər.
Qeyd etmək lazımdır ki, Trampın sanksiya strategiyası 2016-cı ilin prezident kompaniyası dövründə işlənib hazırlanmışdır. Tramp Obamanın administrasiyasını tənqid edərək, İrana qarşı cəza tədbirlərini görəcəyini vəd etmişdir.
