Yeni seçilmiş ABŞ prezidenti Donald Trampın son “tweet”i Meksika milli vahidinin məzənnəsinə növbəti zərbə endirib.
Trend-in “İndependent” qəzetinə istinadən verdiyi xəbərə görə, Meksika pesosu ABŞ dollarına qarşı ucuzlaşmaqda davam edir. ABŞ-da noyabrda keçirilən prezident seçkilərindən bu günə qədər Meksika pesosu 20% uçuzlaşaraq 1 ABŞ dollarına qarşı 21.56 peso təşkil edib.
Artıq Prezident Trampın “tweet”ləri Meksika iqtisadiyyatının probleminə çevrilib.
Donald Tramp son “tweet”ində bildirib ki, ABŞ milli təhlükəsizliyi üçün vacib bir gün gözlənilir, bir çox məsələlər arasında həm də Meksika-ABŞ sərhədində böyük divarın inşa olunması müzakirə olunacaq.
Big day planned on NATIONAL SECURITY tomorrow. Among many other things, we will build the wall!
— Donald J. Trump (@realDonaldTrump) 25 January 2017
Xatırladaq ki, Meksika sərhədində 2000 mil uzunluğu olan divarın inşa olunması D.Trampın seçki kampaniyası zamanı əsas təkliflərdən biri olmuşdu, yeni seçilmiş prezidentin sözlərinə görə, ABŞ-ın bu təşəbbüsünü Meksika özü maliyyələşdirəcək, Meksika höküməti isə öz sərhədində hər hansı divarın inşa olunması və buna görə vəsaitin ayrılması ilə bağlı bütün çağırışları rədd edib.
Bundan başqa, “İndependent” bildirir ki, Ağ Evin yeni rəhbəri miqrasiya ilə bağlı hazırda ABŞ da yaşayan Afrika, Yaxın Şərq ölkələri, habelə Suriya və İraq mənsublu şəxslərə aid məhdudiyətlər planını səsləndirəcək.
D.Tramp-ın göstərişlərinə əsasən, ölkəyə qaçqınların girişi dayandırılacaq, yoxlamalar daha da ciddiləşəcək.
