ABŞ prezidenti Donald Trampın Türkiyə iqtisadiyyatını məhv etmək təhdidindən sonra lirənin məzənnəsi düşüb.
Banker.az xəbər verir ki, “MarketWatch” saytının verdiyi məlumata görə, düşmə 2,31% təşkil edib.
Beləliklə, hal-hazırda lirənin qiyməti 5,83 təşkil edir.
Qeyd edək ki, daha əvvəl prezident Türkiyə iqtisadiyyatını məhv edəcəyini söyləmişdir.
“Əgər Ankara öz həddini aşsa, Türkiyə iqtisadiyyatını məhv edəcəyəm”, – Tramp öz “Twitter” səhifəsində yazıb.
Amerika liderinin açıqlaması, Türkiyə Prezidenti Rəcəb Tayyib Ərdoğanın Ankaranın Suriyanın şimal-şərqində təhlükəsizlik zonasını yaratmaq məqsədilə əməliyyata müstəqil şəkildə başlamağa hazır olduğunu bildirməsindən sonra səsləndirilib.
