21 C
Baku
Çərşənbə axşamı, Sentyabr 21, 2021

Triatlon yarışında Azərbaycan idmançıları inanılmaz nəticələr göstərdilər

Screen Shot 2021 09 02 at 14.34.20

®7-8 avqust tarixlərində Estoniyanın paytaxtı Tallin şəhərində Ironman seriyasından olan tam və yarım məsafə triatlon yarışlarının növbəti mərhələsi baş tutmuşdur. Yarışda Azərbaycanı Triterra və Alfa klublarından olan 14 idmançı təmsil etmişdir.

Həm peşəkar, həm də həvəskar idmançıların iştirak etdiyi bu yarışda Kamil Əliyev, Səbuhi Səfərov, Serqan Abasov, Vüqar Salahov və Fariz Məmmədov ilk dəfə, Aleksandr Mordasov, Aydın Kərimov və Firdovsi Kərimov isə növbəti dəfə tam məsafəni uğurla başa vuraraq Ironman (Dəmir Adam) adına layiq görülmüşlər. Belə ki, tam məsafə üzrə iştirakçılar 3 mərhələ keçməli – açıq suda 3,8 km üzməli, velosipedlə 180 km məsafə qət etməli və 42 km qaçmalıdırlar.

Yarım məsafə üzrə isə Fəxri Əkbərov, Azər Mirtəqavi, Togrul Məmmədov, Tamerlan Ələkbərov, Teymur Fərəcov ilk dəfə, Aleks Parxomovski isə növbəti dəfə yarışı uğurla başa vurmuşlar. Burada isə iştirakçılar, müvafiq olaraq, tam məsafə yarışındakı hər bir mərhələ üzrə yarım məsafəni başa çatdırmalıdırlar.

Yarışdakı yüksək nəticələrinə görə Aleksandr Mordasov Konada (Havay adası) keçiriləcək tam məsafə Ironman Dünya Çempionatına, Toğrul Məmmədov isə Yeni Zelandiyada keçiriləcək yarım məsafə Ironman Dünya Çempionatına vəsiqə qazanmışlar.

Triterra Bakı Triatlon Klubu haqqında 

Triterra Bakı Triatlon Klubu 2017-ci ildə Azərbaycanda Ironman adına layiq görülmüş ikinci şəxs olan Rüfət Həsənov tərəfindən təsis edilmişdir. Klubun yaradılmasında məqsəd Azərbaycanda triatlon idman növünün inkişafı və yeni Dəmir Adamların yetişdirilməsidir. Triatlon idman növü böyük hədəfləri olan uğurlu insanları bir araya yığan, eləcə də, ciddi hazırlıq, motivasiya, yüksək enerji aşılayan bir dəyərdir.

2018-ci ildən etibarən PMD Group şirkəti öz əməkdaşları və cəmiyyət arasında sağlam həyat tərzi və idmanı təbliğ etmək üçün Triterra Bakı Triatlon Klubunun fəaliyyətini hərtərəfli dəstəkləyir və təsadüfi deyil ki, Tallində keçirilən yarışda iştirak etmiş Kamil Əliyev və Fəxri Əkbərov məhz PMD Group-un əməkdaşlarıdır. 

Həmçinin, qadınlar arasında da triatlon yarışına marağı artırmaq üçün 2021-ci ildə Pasha Bank və Triterra Bakı Triatlon Klubu yeni layihəyə start vermiş və Azərbaycanda ilk Ironwoman adına layiq görüləcək xanıma yüksək mükafat təyin edilmişdir.

İnternet səhifəsi: triterra.az

Facebook: www.facebook.com/bakutriathlonclub 

İnstagram: www.instagram.com/triterra.az 

Youtube: https://www.youtube.com/channel/UCGW4weBYd1yUY7FCS0BUG9g  

Screen Shot 2021 09 08 at 14.27.09
109,597AzarkeşlərKimi
Son xəbərlər
360 380
Oxşar xəbərlər