Banker.az saytının ABCnews nəşrinə istinadən verdiyi məlumata görə, ABŞ prezidenti Donald Trumpın atasına məxsus olmuş yaşayış evi New-York-da hərracda satılıb. Fred Trump bu evi 1940-cı ildə inşa edib.
Donald Trumpın uşaqlıq illərinin keçdiyi bu ev hərrac gedişində 2,14 milyon dollara satılıb. Qeyd edək ki, bu məbləğ evin dəyərinin ABŞ prezidentinin and içmə mərasimindən əvvəl sahib olduğu qiymətdən 54% çoxdur. Evin yeni sahibinin adı hələ ki, açıqlanmır. Donald Trumpın özü seçki qabağı kampaniyası zamanı öz köhnə evini almaq barədə maraqlı olduğunu qeyd etmişdi.
