2014-cü ilin iyul ayının 1-nə TuranBankın aktivləri 2013-cü ilin analoji dövrü ilə müqayisədə 16,6%, ötən ilin sonu ilə müqayisədə isə 15,3% artaraq 281,7 mln. manat təşkil etmişdir.
Banker.az xəbər verir ki, hesabat tarixinə Bankın kredit portfeli 2013-cü ilin analoji dövrü ilə müqayisədə isə 12% artaraq 199,2 mln. manata çatmışdır.
Cari ilin iyun ayının sonuna Bankın müştəri hesabları və depozit portfeli 140,3 mln. manat təşkil etmişdir. Depozit portfelinin strukturunda fiziki şəxslərin müddətli əmanətləri 2013-cü ilin analoji dövrü ilə müqayisədə 25,6% artaraq 65,1 mln. manat təşkil etmişdir.
1 iyul 2014-cü il tarixinə Bankın nizamnamə kapitalı 47 mln. manat təşkil etməklə ötən ilin müvafiq dövrü ilə müqayisədə 17,5% artmışdır. Hesabat dövründə Bankın məcmu kapitalı ötən ilin sonu ilə müqayisədə 4,9%, ötən ilin analoji dövrü ilə müqayisədə isə 20,8% artaraq 53 mln. manat təşkil etmişdir.
2014-cü ilin yanvar-iyun ayı üzrə fəaliyyət nəticələrinə əsasən Bankın gəlirləri 15,7 mln. manat, xərcləri isə 12,1 mln. manat təşkil etmişdir. Hesabat dövrü ərzində Bankın balans mənfəəti 3,6 mln. manat olmuşdur.
