İyunun 5-dən 12-dək “Türk axını” qaz kəmərində plana uyğun olaraq illik texniki xidmət işləri aparılacaq. Bu müddət ərzində qazın nəqli dayandırılacaq.
Bu barədə “Qazprom”un mətbuat xidməti məlumat yayıb.
Mətbuat xidməti qeyd edib ki, planlaşdırılan təmir bütün maraqlı tərəflərlə əvvəlcədən razılaşdırılıb.
2019-cu ildə istifadəyə verilən “Türk axını” qazın Rusiyadan Türkiyəyə, həmçinin Cənubi və Cənub-Şərqi Avropaya tranzitini həyata keçirir. Layihə gücü 31,5 milyard kubmetrdir. Qaz kəmərinə planlı texniki qulluq işləri hər il yay aylarında aparılır.
