Sentyabrın 6-da daxili işlər naziri general-polkovnik Vilayət Eyvazov Qırğız Respublikasının Çolpon-Ata şəhərində keçirilən Türk Dövlətləri Təşkilatına üzv dövlətlərin daxili işlər nazirlərinin birinci iclasında iştirak edib.
İclasın məqsədi təhlükəsizliklə bağlı, cinayətlə mübarizə üsullarını dövrün tələblərinə uyğun formalaşdırmaq və təhdidlərin qarşısını tez bir zamanda almaqdır.
İclasda aşağıdakı məsələlər müzakirə olunub:
1. Türk Dövlətləri Təşkilatının Daxili İşlər Nazirləri Şurasının ildə bir dəfədən az olmayaraq keçirilməsi;
2. Nazirlərin iclaslarına hazırlıq işlərinin aparılması, habelə nazirlərin qərarlarının icrasına köməklik və əlaqələndirməni həyata keçirmək üçün nazirliklərin beynəlxalq əməkdaşlıq idarələrinin nümayəndələrindən ibarət ekspert-texniki səviyyəli işçi qrupunun yaradılması;
3. Əməkdaşlıq, təcrübə mübadiləsi, təhsil, texniki və akademik sahələrdə qarşılıqlı dəstək, ikitərəfli təcrübə mübadiləsinə dəstək və işgüzar səfərlər və görüşlərin təşkili çərçivəsində;
4. Cinayətkarlığa qarşı mübarizə iştirakçılarının şikayətləri üzrə razılaşdırılmış tədbirlərin həyata keçirilməsi üçün zəruri səylər göstərmək;
5. Milli qanunlara və dövlətlərinin tərəfdar çıxdığı beynəlxalq müqavilələrdən irəli gələn öhdəliklərə uyğun olaraq öz səlahiyyətləri daxilində əməkdaşlığı təkmilləşdirmək.
Şuranın birinci sessiyasının yekunlarına əsasən Bəyannamə imzalanıb.
Qeyd olunub ki, Türk Dövlətləri Təşkilatına üzv ölkələrin daxili işlər nazirlərinin ikinci toplantısı 2025-ci ildə Azərbaycan Respublikasında keçiriləcək.
