Fövqəladə vəziyyət və komendant saatının başa çatması ilə əlaqədar yanvarın 19-da Almatı hava limanı normal fəaliyyətini bərpa edib.
Bu barədə hava limanının mətbuat xidməti bildirib.
Qazaxıstanın “Air Astana” aviaşirkəti iğtişaşlar və fövqəladə vəziyyətin tətbiqi fonunda yaranan fasilələrdən sonra marşrut şəbəkəsini tam bərpa etdiyini bildirir. Şirkət həmçinin biletlərin geri qaytarılması qaydalarına da yenidən baxıb.
Qeyd edək ki, Almatı Hava Limanı Türkiyənin TAV Airports holdinqinə daxildir.
