30 C
Baku
Sunday, July 14, 2024

Türkiyəli iş adamları Naxçıvana gələcəklər

Gələn həftə Türkiyənin iş adamlarından ibarət böyük nümayəndə heyəti Naxçıvana gələcək.

Bunu Türkiyənin Naxçıvandakı Baş konsulu Asip Kaya deyib.

“Naxçıvan Muxtar Respublikası ilə Türkiyə arasındakı əlaqələr gələcəkdə çox sürətlə inkişaf edəcək. “Ziraat” Bankı açılacaq. Türkiyə-Naxçıvan ticarət dərnəyi qurmaq istiqamətində hazırda işlər davam edir”.

Baş konsul vurğulayıb ki, iki ölkə arasında əlaqələr inkişaf edir:

“Münasibətlərimiz hər sahədə inkişaf edir, biz də Baş Konsulluq olaraq burada başda səlahiyyətli nümayəndə olmaqla bütün dövlət rəhbərləri ilə gözəl əlaqələr qurmuşuq. Xalqlarımız və ölkələrimiz arasındakı birliyə əlimizdən gəldiyi qədər töhfə verməyə çalışırıq.

Bu il həm Türkiyə, həm də Azərbaycan üçün çox önəmlidir. Türkiyə Cümhuriyyətinin yaradılmasının, eyni zamanda Azərbaycan xalqının ümummilli lideri Heydər Əliyevin anadan olmasının 100-cü ildönümüdür. Ulu öndərlə bağlı bir çox tədbirlər keçirilir. Qarşıdan gələn aylarda biz də bu münasibətlə bir neçə tədbir təşkil etməyi nəzərdə tuturuq. İnanırıq ki, həmin tədbirləri yüksək səviyyədə keçirə biləcəyik”.

MənbəReport
Son xəbərlər
Digər xəbərlər