Türkiyə iyul ayında bərpa olunan enerji mənbələrindən elektrik enerjisinin istehsalı üzrə rekord göstəricilər əldə edib.
Bu barədə Türkiyənin energetika və təbii sərvətlər naziri Fatih Dönməz “Twitter“ hesabında paylaşım edib.
O qeyd edib ki, iyul ayında ölkədə həm Günəşdən, həm də küləkdən elektrik enerjisinin istehsalı üzrə rekord qırılıb. Belə ki, ötən ay Türkiyədə günəş vasitəsilə 2 milyard 7 milyon kVt/saat, küləkdən isə 4 milyard 237 milyon kVt/saat elektrik enerjisi istehsal olunub.
“İyulda külək və günəş enerjisindən istehsal olunan elektrik enerjisi ilk dəfə olaraq ümumi istehsalın 21,6 faizini təşkil edib”, – paylaşımda bildirillib.
