Türkiyə bankları sanksiyalardan ehtiyat edərək kütləvi şəkildə Rusiya bankları ilə əməkdaşlıqdan imtina edir. Məlumata görə, Türkiyənin maliyyə qurumları müqaviləni rəsmi bağlamadan müxbir münasibətlərini kəsir və ödənişlərin işlənməsini dayandırır.
Yanvarın 1-dən Rusiyadan Türkiyəyə pul köçürmələri demək olar ki, dayanıb, ixracatçılar lirə və rublla ödənişləri qəbul etməkdən imtina edib, bəzi banklar hətta artıq qəbul edilmiş əməliyyatları geri qaytarıb, bu barədə “Turkish Economim” yazır.
Nəşrin verdiyi məlumata görə, bu məsələ ABŞ-ın dövlət katibi Antoni Blinkenin yanvarın əvvəlində Türkiyəyə səfəri zamanı qaldırılıb. O, “sanksiyalardan yayınma və ixrac nəzarəti probleminin həllinin” vacibliyini vurğulayıb.
Fasilələr həm də ABŞ Maliyyə Nazirliyinin Xarici Aktivlərə Nəzarət İdarəsi (OFAC) tərəfindən görülən tədbirlərlə əlaqədardır. Problem Türkiyə İxracatçılar Assambleyası (TİM) tərəfindən tanınıb və orada səlahiyyətlilərin yoxlamaları səbəbindən dekabrın sonundan etibarən çətinliklərin artdığını qeyd edib. “Amma düşünürəm ki, yanvardan sonra vəziyyət yaxşılaşacaq”, – assosiasiya rəhbəri gözləyir.
Türkiyə bankları Avropa İttifaqının (Aİ) 12-ci sanksiyalar paketinin tətbiqindən sonra nəzarəti gücləndirib; ödənişləri lirə ilə edərkən, zəncirin bütün iştirakçılarına qarşı sanksiyaların olmadığını təsdiqləmək üçün daha çox məlumat və sənədlər tələb etməyə başlayıb.
Hələ 2022-ci ilin yayında Türkiyə ABŞ-a Rusiyaya qarşı sanksiyalardan yayınmağa imkan verməyəcəyinə söz verib. Birləşmiş Ştatlar və Avropa İttifaqı o vaxtdan etibarən sonrakı məhdudiyyətlər paketlərindəki tədbirlərdən yayınmanın qarşısını almaq üçün yeni mexanizmləri təsdiqləyib.
Rusiya hökuməti sanksiyaları qeyri-qanuni, səmərəsiz hesab edir və onların uzun müddət qüvvədə qalacağını gözləyir.
