Yanvarın 23-də Türkiyə parlamenti İsveçin NATO-ya daxil olmasını təsdiqləyib, Banker.az bu barədə Forbes-ə istinadən xəbər verir. İsveçin ərizəsinin ratifikasiyasına 287 deputat, əleyhinə isə 55 deputat səs verib. Sənədi Prezident Rəcəb Tayyib Ərdoğanın hakim Ədalət və İnkişaf Partiyası, onun Milliyyətçi Hərəkat Partiyası və müxalifət Cümhuriyyət Xalq Partiyasından müttəfiqləri dəstəkləyib.
Agentlik aydınlaşdırır ki, Baş Assambleyada səsvermədən əvvəl dörd saatdan çox müzakirə aparılıb. Ümumilikdə, Türkiyənin İsveçin NATO-ya qəbul edilməsinin lehinə qərar verməsi 20 ay çəkib.
İsveç 2022-ci ildə NATO-ya üzv olmaq üçün müraciət edib. Türkiyə onun zvlüyünü ratifikasiya etməsi üçün Stokholmun yerinə yetirməli olduğu şərtlər qoyub. 2023-cü il oktyabrın sonunda Ərdoğan Türkiyə parlamentinə İsveçin NATO-ya üzvlüyünün ratifikasiyasına dair sənədlər paketini təqdim edib.
Alyans ölkələrindən yalnız Türkiyə və Macarıstan İsveçin müraciətini ratifikasiya etməyib.
Yanvarın 23-də Macarıstanın Baş naziri Viktor Orban İsveç hökumətinin başçısını İsveçin NATO-ya qəbulu ilə bağlı danışıqlar aparmaq üçün Macarıstana dəvət etdiyini açıqlayıb.
