Türkiyənin ən böyük kriptovalyuta birjası “BtcTurk” hakerlərin hücumuna məruz qalıb. “Cyvers” kibertəhlükəsizlik şirkətinin məlumatına görə, ilkin ziyan təxminən 48 milyon dollar təşkil edib, “Cointelegraph” yazır.
Birja bəzi pul kisələrində “texniki problem” olduğunu əsas gətirərək vəsaitin çıxarılmasını dayandırıb. Bununla belə, türk lirəsi ilə əməliyyatlar davam edir.
Bir il əvvəl “BtcTurk” artıq oxşar hücumla üzləşmişdi. O vaxt pul kisələrindən 54 milyon dollar çıxarılıb.
Vəziyyət “Bitcoin”in kəskin bahalaşması fonunda baş verib: avqustun 14-də onun məzənnəsi ilk dəfə olaraq 124 000 dolları ötüb.
