Azərbaycan Metrologiya İnstitutunda (AzMİ) yeni laboratoriya şəbəkəsinin qurulması ilə bağlı Türkiyə Elmi və Texnoloji Tədqiqat Şurasının Milli Metrologiya İnstitutu (TÜBİTAK UME) ilə yeni müqavilə imzalanıb.
Bu barədə AzMİ-dən bildirilib.
Sənədə əsasən, AzMİ-nin nəzdində 10 yeni laboratoriyanın qurulması və 4 mövcud laboratoriyanın təkmilləşdirilməsi işləri nəzərdə tutulur. Görülən tədbirlər ölkədə keyfiyyət infrastrukturunun gücləndirilməsi, ixrac potensialının artırılması və rəqabətqabiliyyətli iqtisadiyyatın inkişafına hədəflənib.
