“Twitter” tvitlərin redaktə müddətini bir saatadək uzadıb, Banker.az bu barədə VC.ru-ya istinadən xəbər verir. 2021-ci ildə sosial şəbəkə tvitlərin redaktə edilməsinin şirkətin prioritetlər siyahısında olmadığını desə də, artıq 2022-ci ilin aprelində o, onu sentyabrda sınaqdan keçirməyə başlayıb.
2022-ci ilin noyabrında “Bloomberg” mənbələri yazıb ki, sosial şəbəkə bu funksiyanı hər kəs üçün pulsuz etmək istəyir, lakin indiyədək bu baş verməyib.
“Twitter” İlon Maskın gəlişindən sonra “Blue” abunəliyini yenidən işə salıb. Abunə istifadəçilərə mavi işarə verir, uzun tvitlər yazmaq, mətni format etmək, yazıları göndərməkdən imtina etmək, videoları 1080p formatında yükləmək, naviqasiya panelini fərdiləşdirmək və xüsusi nişanlar quraşdırmaq imkanı verir. “Blue” abunəliyin qiyməti ayda 7.99 dollar təşkil edir.
