Taksi sifarişi və yeməklərin çatdırılması xidmətləri göstərən Amerikanın “Uber Technologies” şirkəti tarixində ilk dəfə səhmlərin geri alınması proqramını elan edib. Şirkətin press-relizində bildirildiyi kimi, onun həcmi 7 milyard dollar olacaq.
Son üç ayda şirkətin bazar dəyəri 28%-dən çox (142.2 milyard dollara qədər), S&P 500 fond indeksi isə 10.2% artıb.
Daha əvvəl bildirilmişdi ki, “Uber Technologies” 2023-cü ilin dördüncü rübündə xalis mənfəətini 2.4 dəfə, gəlirini 15% artırıb. Oktyabr-dekabr dövründə xalis gəlir əvvəlki ilin eyni dövründəki 595 milyon dollarla müqayisədə 1.43 milyard dollar olub. Bu rəqəmə “Uber”in investisiyalarının yenidən qiymətləndirilməsi ilə bağlı 1 milyard dollar gəlir daxildir. Səhm başına qazanc bir il əvvəl 0.29 dollara qarşı 0.66 dollar olub, bu, “FactSet” tərəfindən sorğulanan analitiklərin səhm üzrə konsensusundan xeyli yüksəkdir.
