Ukrayna bazarında “Naxçıvan” brendli konyak satışa çıxarılacaq

0

Ukrayna bazarında Azərbaycana məxsus şərab məhsullarının çeşidi genişləndirilir.

Bu barədə  Azərbaycan şərablarının Ukraynada satışı ilə məşğul olan şirkətdən məlumat verilib.


Kredit müraciəti

Sizin müraciətiniz banka göndərildi.

Bildirilib ki, yaxın vaxtlarda Azərbaycanın meyvə araqları, “Naxçıvan” brendli konyakı, “Borçalı” adlı şərabı Ukrayna bazarlarında satışa çıxarılacaq. “Qarabağ” brendli şərabın da Ukrayna bazarlarına çıxarılması üçün danışıqlar aparılır. Artıq Ukrayna bazarlarında Azərbaycan şərabları öz yerini möhkəmləndirib.

Qeyd edək ki, Azərbaycanın əfsanəvi “Ağdam” şərabı, “Şuşa” konyakı Ukraynanın bazarlarında kifayət qədər tanınır. Ümumilikdə Azərbaycana məxsus 50-dək adda şərab və spirtli içki məhsulları Ukraynanın iri ticarət obyektlərində, o cümlədən “AŞAN”, “NOVOS” “MEQA” hipermarketlərində, SOCAR-ın yanacaqdoldurma məntəqələrindəki marketlərdə satışa çıxarılıb.

©Azərtac