“Unibank Kommersiya Bakı” Açıq Səhmdar Cəmiyyəti İqtisadiyyat Nazirliyi yanında Dövlət Vergi Xidməti Milli Gəlirlər Baş İdarəsini məhkəməyə verib.
Banker.az xəbər verir ki, “Unibank Kommersiya Bakı” Bakı İnzibati Məhkəməsinə müraciət edib.
Müraciət etməsinə səbəb isə inzibati orqanların aktları və hərəkətləri (hərəkətsizliyi) ilə əlaqədar mübahisələr – vergi məsələləri üzrədir, sədrlik edən hakim Səlma Salahovadır.
Xatırladaq ki, “Unibank” 2002-ci ildə Azərbaycanın iki kommersiya bankı – 1992-ci ildən fəaliyyət göstərən “Mbank” və 1994-cü ildən mövcud olan “Promtexbank”ın birləşməsi ilə yaradılıb.
