Uorren Baffetə məxsus ” Berkshire Hathaway” holdinqi ABŞ-nin “Occidental Petroleum” şirkətinin neft-kimya bölməsini almaq barədə razılığa gəlib. Məlumata görə, əməliyyatın məbləği 9.7 milyard dollar təşkil edir.
Bu, “Berkshire” üçün 2022-ci ilin martından bəri ən böyük alqı-satqıdır. Həmin vaxt Uorren Baffet “Alleghany” sığorta şirkətini 11.6 milyard dollara satın almışdı.
“Occidental” şirkətinin bazar dəyəri təxminən 46 milyard dollardır və “Berkshire” artıq onun ən iri səhmdarı sayılır. “OxyChem” bölməsi müxtəlif sahələr üçün kimyəvi məhsullar istehsal və satışla məşğuldur, o cümlədən suyun xlorlanması, akkumulyatorların emalı və kağız istehsalı. İyun ayı ilə başa çatan son 12 ay ərzində bölmənin satış həcmi təxminən 5 milyard dollar olub.
“Occidental” səhmlərinin qiyməti “OxyChem”in satışı elan edildikdən sonra 6% ucuzlaşıb.
