Avropa Komissiyasının sədri Ursula fon der Leyen bu həftənin Ukraynadakı münaqişənin həllində “həlledici rol” oynayacağını bildirib.
“Bizi birləşdirən odur ki, biz ədalətli və davamlı sülh istəyirik, və mən bilirəm ki, siz bu müharibənin sona çatmasında nə qədər dərin iştirak edirsiniz. İndi, əlbəttə ki, işləri irəli aparmağımız vacibdir və məncə, gələn həftə həlledici olacaq”, – mesajda deyilir.
Qeyd edək ki, bu gün ABŞ prezidenti Donald Tramp Rusiya prezidenti Vladimir Putinə zəng etmək niyyətindədir. ABŞ lideri bildirib ki, əsas müzakirə mövzusu Ukraynadakı müharibə və ticarət olacaq.
Mayın 16-da İstanbulda son üç ildə ilk dəfə Moskva və Kiyev nümayəndələri arasında ikitərəfli görüş baş tutub. Danışıqların nəticəsi “1000-ə 1000” düsturuna əsasən məhbusların mübadiləsinə dair razılaşma olub. Tərəflər həmçinin atəşkəs məsələsi ilə bağlı öz mövqelərini ətraflı təqdim etmək və dialoqu davam etdirmək barədə razılığa gəliblər.
