Mədəniyyət Nazirliyi Dövlət İmtahan Mərkəzi (DİM) ilə birgə uşaq musiqi, incəsənət, rəssamlıq, muğam, aşıq məktəb və mərkəzlərinə müəllim vəzifəsinə işə qəbul olmaq istəyən şəxslər üçün test imtahanı keMərkəzdən APA-ya verilən xəbərə görə, uşaq musiqi, incəsənət, rəssamlıq, muğam, aşıq məktəb və mərkəzlərinə müəllimlərin işə qəbulu imtahanı 7 avqust 2022-ci il tarixində keçiriləcək.
İmtahanda iştirak etmək istəyən namizədlərin qeydiyyatı Dövlət İmtahan Mərkəzinin internet saytında 18 iyul saat 09:00-dan 28 iyul saat 17:00-dək həyata keçiriləcək.
“Nəzərinizə çatdıraq ki, iyulun 17-də işə qəbul olmaq istəyən namizədlər üçün sınaq imtahanı da keçiriləcək. Namizədlərin sınaq imtahanı üçün qeydiyyatı Dövlət İmtahan Mərkəzinin internet saytında 20 iyun saat 09:00-dan 7 iyul saat 17:00-dək həyata keçiriləcək.
İmtahanlarda iştirak etmək üçün qeydiyyat xidməti göstərilən tarixlərdə aktiv olacaq.
