Dekabr ayının ortalarında İngiltərədə aşkar edilmiş yeni koronavirus növü daha 40 ölkədə qeydə alınıb.
Banker.az xəbər verir ki, bu barədə Ümumdünya Səhiyyə Təşkilatı (ÜST) məlumat yayıb.
ÜST-nin əldə etdiyi ilkin məlumatlara görə, koronavirusun bu növü sürətlə yayılır, lakin COVID-19-a səbəb olan virusun digər variantlarından təhlükəli deyil. Ümumilikdə, dünyanın 191 ölkəsində 85 milyondan çox yoluxma halı qeydə alınıb, onlardan 1.8 milyon nəfər dünyasını dəyişib.
Qeyd edək ki, son üç həftədə dünyada 4 milyondan çox yoluxma qeydə alınıb, ölüm hallarının sayı isə 3% artaraq 76 minə çatıb. İngiltərənin cənubunda yeni növ koronavirusun aşkar edilməsindən sonra, bir çox Avropa, Cənubi Amerika, Yaxın Şərq və Asiya ölkəsi Böyük Britaniya ilə hava nəqliyyatını dayandırmağa və ya məhdudlaşdırmağa başlayıb.
Bununla əlaqədar olaraq, ölkədə yanvarın 5-dən ümummilli karantin tətbiq edilib.
