26 C
Baku
Saturday, July 13, 2024

Uzaq səfərə çıxan sürücülərin nəzərinə: İstirahət üçün yerlər ayrıldı

İsti hava şəraiti ilə bağlı uzaq yol qət etmək məqsədilə magistral yollara çıxan sürücülərin istirahəti üçün yol polis postlarında şərait yaradılıb.

Bu barədə açıqlamasında Baş Dövlət Yol Polisi İdarəsinin inspektoru, polis leytenantı Elvin Hacıyev deyib.

O bildirib ki, respublika əhəmiyyətli bütün avtomobil yollarındakı stasionar postlarda sürücülərə bu cür şərait təklif olunur:

“Sürücülər səfərə çıxmazdan əvvəl avtomobilin texniki sağlığına nəzarət etməlidirlər. Kondisioneri olmayan və ya işlək vəziyyətdə olmayan avtomobillərlə sürücülərin mümkün qədər günün nisbətən sərin vaxtlarında yola çıxması məsləhətdir. Hərəkət zamanı avtomobilin təhlükəsizlik kəmərlərindən təkcə sürücü deyil, avtomobildə olan sərnişinlər də istifadə etməlidirlər. Kəmərlərin bağlanmaması təkcə məsuliyyət yaratmır, əyləc sisteminin qəfil sıxılması və ya hər hansı toqquşma zamanı insan həyatını təhlükədən qoruyur.

Bununla yanaşı, səfərə çıxan sürücü ən azı bir sutka əvvəldən spirtli içki qəbul etməməlidir. Yuxusuz və yorğun sürücülərin yola çıxmaması məsləhət görülür. Sürücü uzaq səfərə çıxırsa, 3-4 saatdan bir avtomobili saxlamalı və istirahət etməlidir. Bunun üçün respublika əhəmiyyətli avtomobil yollarındakı Baş Dövlət Yol Polisinin stasionar postlarında şərait yaradılıb. Hər bir sürücü bu şəraitdən istifadə edə bilər”.

MənbəOxu.az
Son xəbərlər
Digər xəbərlər