“Neftin bir barelinin qiymətinin 60 dollar səviyyəsində olması həm istehsalçıların, həm də istehlakçıların tələbatını ödəyir və yanvar ayında o, bu səviyyədə saxlanılmalıdır”.
Banker.az Report-a istinadla xəbər verir ki, bunu “Lukoyl”un rəhbəri Vahid Ələkbərov “Bloomberg”ə müsahibəsində deyib.
Onun sözlərinə görə, Rusiya təklifin azaldılmasını qəbul etsə, “Lukoyl”a müvafiq təlimatları tam yerinə yetirmək üçün üç-dörd ay vaxt lazım olacaq.
Hazırda “Lukoyl” neft hasilatını 2019-cu ildə 1% artırmağı planlaşdırır.
V.Ələkbərov bildirib ki, OPEC+ səviyyəsində neft hasilatının azaldılması üzrə qərar qəbul edilərsə, şirkət də planlarını korrektə edəcək.
“Ümid edirəm ki, belə tədbirlər görməyə ehtiyac olmayacaq”, – o Vyanada bildirib.
