Zəngin ölkələrdə ərzaq inflyasiyası Rusiya və Ukrayna arasında genişmiqyaslı münaqişənin başlamasından və sanksiyaların tətbiqindən bəri ən aşağı səviyyəyə düşüb. Bu barədə “Financial Times” İqtisadi Əməkdaşlıq və İnkişaf Təşkilatının (OECD) məlumatlarına istinadən yazır.
Statistika İƏİT üzvü olan 38 sənayeləşmiş ölkəni əhatə edir. Onların əksəriyyəti Avropa İttifaqının üzvüdür.
Bu ölkələrdə ərzaq qiymətlərinin illik artımı 2022-ci ilin noyabrında 16.2%-lik zirvədən xeyli aşağı olan 5.3% təşkil edib. Ərzaq qiymətləri 2022-ci ildə artan enerji qiymətləri və sanksiyaların səbəb olduğu ticarət həcminin azalması səbəbindən sürətlə artıb. Bu, quraqlıq və koronavirus pandemiyasının səbəb olduğu tədarük zəncirinin pozulması səbəbindən geniş yayılmış problemlər fonunda baş verir.
“Eurostat”ın son hesablamalarına görə, mart ayında avrozonanın illik ərzaq inflyasiyası 2.7%-ə çatıb. 2021-ci ilin noyabrından bu yana ilk dəfədir ki, bu rəqəm 3%-dən aşağı düşüb.
“T Rowe Price” investisiya şirkətinin iqtisadçısı Tomaş Vieladek bildirib: “Təchizat zəncirləri tam normallaşıb, qaz qiymətləri tarixən daha normal hesab edilən səviyyələrə düşüb və Ukraynadan Qara dəniz dəhlizi ilə taxıl ixracı bərpa edilib”. O, qlobal ərzaq inflyasiyasının indi də davam edəcəyini proqnozlaşdırır.
