2023-cü ildə dövlət büdcəsi gəlirlərinin 13402.0 milyon manatı və ya 43.6 faizi Dövlət Vergi Xidmətinin (DVX) xətti ilə daxilolmaların payına düşür.
Bu barədə “2023-cü il dövlət büdcəsi haqqında” qanun layihəsində bildirilir.
Məlumata görə, bu da cari ilin dürüstləşdirilmiş proqnozundan 1662.0 milyon manat və ya 14.2 faiz, 2021-ci ilin icra göstəriciləri ilə müqayisədə isə 4872.8 milyon manat və ya 57.1 faiz çoxdur.
Dövlət Vergi Xidmətinin xətti ilə 2023-cü il üzrə dövlət büdcəsinə proqnozlaşdırılan daxilolmaların 62.6 faizi və ya 8385.0 milyon manatı qeyri-neft sektorunun, 37.4 faizi və ya 5017.0 milyon manatı neft sektorunun payına düşür.
Qeyd edək ki, DVX xətti ilə proqnozlaşdırılan daxilolmaların məbləği ÜDM-in 12.6 faizi həcmində nəzərdə tutulub.
