Vergiödəyicisi istifadəçi kodunu itirərsə, onu yenidən bərpa etmək mümkündürmü?
Dövlət Vergi Xidmətinin məlumatına əsasən, istifadəçi kodu itirildikdə (və ya unudulduqda) yenisini əldə etmək üçün “Vergi orqanı ilə vergiödəyicisi arasında məlumat mübadiləsi haqqında ərizə” ilə şəxsən və ya səlahiyyətli nümayəndə vasitəsilə vergiödəyicilərinə xidmət mərkəzlərinə müraciət etmək mümkündür.
Elektron məlumat mübadiləsinin aparılması üçün yeni istifadəçi kodu emal müddəti nəzərə alınmaqla müraciət zamanı təqdim olunur.
