Viktor Hüqo çoxşaxəli şəxsiyyət idi: o uzun və maraqlı roman yazdığı bir zamanda naşirinə yalnız 1 sual işarəsi qeyd olunan məktub da göndərə bilirdi. Aşağıda dahi yazıçının “Notr Dam kilsənin qozbeli”, “Səfillər”, “Gülən adam” əsərlərindən seçilmə sitatları təqdim edirik. Bu sitatlar sübut edir ki, dahi yazıçı 1 cümlə ilə çox şeyi izah etməyi bacarırdı.
- Düşmənimin kürəyimə bıçaq batırmasına biganə yanaşıram. Lakin dostun söz iynələrinin ağrısı dözülməzdir.
- İnsanı düşüncələrinə görə deyil, arzularına görə daha dəqiq mühakimə etmək mümkündür.
- Həyat bir qapını bağlamadan, digərini açmaz.
- Biz səs-küylə doğulur, susqun şəkildə ölürük. Bizim öhdəmizə düşən gülüşlə yaşamaqdır.
- Xoşbəxt olmaq kifayət deyil. Özün-özünlə sülh şəraitində yaşamalısan.
- İnsanın bütün davranışlarına ikili yanaşmaq mümkündür: birini nəyə görə mühakimə edir, birini nəyə görə mükafatlandırırlar.
- İnsana bir fikir hakim kəsildikdə, o fikirlə hər yerdə qarşılaşar.
- Dünyada zamanında yaranmış ideyadan daha qüvvətli heç nə yoxdur.
- Mehriban olmaq çətin deyil, çətin olan ədalətli olmaqdır.
- İnsan sevginin nə olduğunu izah edə bilirsə, demək o heç vaxt sevməyib.
- Bizim davranışlarımız bizi zirvələrə qaldıra və ən dərin uçurumlara ata bilər. Biz – öz davranışlarımızın nəticələriyik.
- İnsanın siması daim onun daxili dünyasını əks etdirir və fikirlərin müəyyən rəngə sahib olmadığını düşünmək yalnışdır.
- Düşüncələrinizi dəyişin, prinsiplərini qoruyun: yarpaqları dəyişin, kökü qoruyun.
- Kişilərin həqiqətən sevdiyinin sübutu – cəsarətsizlik, qadınların həqiqətən sevdiyinin sübutu isə – cəsarətdir.
- Gülüş – günəşdir. O insan simasındakı qışı yox edir.
- Ölmək – heç nədir, dəhşətli olan yaşamamaqdır.
- İnsanın üç xarakteri var: 1 – insanların onda gördüyü, 2 – insanın özündə gördüyü, 3 – həqiqi xarakteri.
