Macarıstanın Baş naziri Viktor Orban 2023-cü ildə hökumətlərarası birgə görüşdə iştirak etmək üçün Gürcüstana ikigünlük səfər edəcək.
Bu barədə Macarıstanda səfərdə olan Gürcüstanın Baş naziri İrakli Qaribaşvili macarıstanlı həmkarı ilə Budapeştdə keçirdiyi birgə mətbuat konfransında bildirib.
İrakli Qaribaşivilinin başçılıq etdiyi nümayəndə heyəti Macarıstanda ikigünlük səfərdədir. Oktyabrın 27-də o, Viktor Orbanla ölkələr arasında strateji tərəfdaşlığa dair qətnamə imzalayıb.
Qeyd edək ki, iki ölkə arasında diplomatik əlaqələri 1992-ci il mayın 14-də qurulub. Ölkələr iqtisadiyyat, ticarət, nəqliyyat, turizm, təhsil və elm sahələrində əməkdaşlıq edir. Gürcüstan və Macarıstan arasında əlaqələrin dərinləşdirilməsi məqsədilə 2013-cü ildən iqtisadi əməkdaşlıq üzrə dövlətlərarası komissiya fəaliyyət göstərir.
İlkin məlumatlara görə, 2022-ci ilin üç rübündə Gürcüstan və Macarıstan arasında ticarət dövriyyəsi 42,4 milyon dollar təşkil edib. Macarıstan Gürcüstan iqtisadiyyatına bir milyon dollara yaxın birbaşa investisiya yatırıb.
