25 C
Baku
Sunday, July 3, 2022

Volkswagen AG yenidən dünya lideridir

Toyota şirkəti ən iri avtomobil istehsalçısı adını Volkswagen şirkətinə geri qaytarmalı olmuşdur. Yapon markasının dərc etdiyi məlumata əsasən, Toyota konserninin 2016-cı ildə 10 milyon 175 min avtomobil satdığı bildirilmişdir.

Öz növbəsində alman istehsalçsı 2016-cı ili 10 milyon 312 min 400 ədəd avtomobil satışını həyata keçirərək başa vurmuşdur. 2015-ci illə müqayisədə Toyota şirkətinin satışları 0,2 faiz artsa da, alman istehsalçısının satış həcmi 3,8 faiz artım göstərmişdir. Alman istehsalçısının tarixində ilk dəfə əldə edilmiş mütləq rekordu Avropa (+4%) və Asiya – Sakit okean (9,7%) regionundakı satışların artması təmin etmişdir. Təkcə Çin bazarında olan artım 12,2 fazi təşkil etmişdir.

Volkswagen tərəfindən təqdim edilmiş hesabatda kommersiya avtomobillərinə olan tələbatın 11,4 faiz artığı söylənilir. Bununla yanaşı Şkoda (+6,8%) və Porsche (5,6%) markaları ciddi artım göstərmişdirlər. Ümumilikdə, MAN markası istisna olmaqla, konsernə daxil olan bütün markalar artım göstərmişdirlər. MAN brendinin satışları 0,2% endirim göstərmişdir. 2015-ci ildə üçüncü pillədə qərarlaşan General Motors şirkəti hələlik rəqəmlərini açıqlamamışdır.

Son xəbərlər
Oxşar xəbərlər