®VTB (Azərbaycan) sentyabrın 30-dan dekabrın 27-dək nağd pul krediti üçün müraciət edən müştərilər üçün xüsusi aksiya keçirəcək. Qaliblər qiymətli hədiyyələr alacaqlar.
Aksiyanın nəticələri oktyabrın 28-də, noyabrın 28-də və dekabrın 28-də bilinəcək. İştirak etmək üçün siz nağd pul krediti üçün müraciət etməli və bank filialında məlumatlarınızı xüsusi lotereya biletlərinə daxil etməlisiniz. Aksiya keçirildiyi müddət ərzində borcalanın krediti aktiv olmalıdır. Qeyd olunan tarixlərin birində hədiyyə qazanan müştərilər aksiyada iştirakını tamamlayırlar. Aksiya həm də bir kreditlə məhdudlaşır.
VTB (Azərbaycan)-da 300 manatdan 40 000 manatadək nağd pul krediti illik 13,99%-dən başlayan faiz dərəcəsi ilə komissiyasız və zaminsiz 6 aydan 5 ilədək müddətə verilir. Yenidən maliyyələşdirmə proqramı çərçivəsində siz digər banklardan bir neçə daha bahalı krediti birləşdirə, həmçinin istənilən məqsəd üçün əlavə vəsait əldə edə bilərsiniz.
“Ənənəvi olaraq dördüncü rübdə əhali tərəfindən maliyyə məhsullarına, o cümlədən istehlak kreditlərinə yüksək tələbat var. Strateji olaraq, biz həmişə bütün borcalanlar üçün onların mövcudluğunu və qiymət parametrlərini qorumağa çalışırıq. İlin sonuna qədər yeni kredit üçün müraciət edən müştərilər nəinki ehtiyac duyduqları vəsaiti, həm də qiymətli hədiyyələr qazanmaq imkanı əldə edəcəklər”, – deyə VTB (Azərbaycan)-ın İdarə Heyətinin üzvü, Pərakəndə Biznesin İnkişafı Departamentinin direktoru Yevgeni Borodin bildirib.
İstehlak kreditləri ölkədə əhali arasında ən populyar məhsullardan biridir. 2022-ci ilin yanvar-avqust aylarında VTB (Azərbaycan) 34,3 milyon manatdan çox məbləğdə 6,9 min nağd pul krediti verib ki, bu da ötən ilin müvafiq dövrü ilə müqayisədə 30% çoxdur. Bankın bu seqment üzrə portfeli ilin əvvəlindən 24,5% artaraq 2022-ci ilin avqust ayının sonunda 66,6 milyon manat təşkil edib.
İstehlak krediti üçün bankın internet saytında, filiallarda və ya 986 nömrəsinə zəng edərək, əlaqə mərkəzi vasitəsilə müraciət edə bilərsiniz. Kredit Bakı şəhəri və Abşeron yarımadası daxilində müştəri üçün əlverişli olan istənilən ünvana çatdırılır.
