Banker.az xəbər verir ki, The Wall Street Journal-ın aylıq araşdırmasının nəticələrinə əsasən, Wall Street-in bank analitikləri neft qiymətləri ilə bağlı proqnozlarını dörd ay ardıcıl olaraq pisləşdirib.
Avqust ayının sonu həyata keçirilmiş sorğuda iştirak edən investisiya banklarının 14 nümayəndəsi 2018-ci ildə Brent markalı neftin barrelinin qiymətinin orta hədlə 54 dollar, WTI markalı neftin 1 barrelinin dəyəri isə 51 dollar olacağını güman edir.
Dünyada neft ehtiyatlarının güclü artımı son üç il ərzində kotirovkalara təzyiq edib.
Dünya üzrə neft hasilatını təqribən 2% azaldan OPEC+ layihəsinin müddəti 2018-ci ilin mart ayında başa çatır və bu müddətin yaxınlaşması ilə ekspertlərin narahatlıqları da artır. Belə ki, həddindən artıq istehsal yenidən ciddi təhlükəyə çevrilə bilər.
