“WhatsApp” mesenceri “Android” istifadəçiləri üçün yeni funksiyanı – mesaj zəncirlərini təqdim edib. Bu funksiya söhbətləri daha mütəşəkkil və başadüşülən etmək məqsədilə çatlarda konkret mesajlara cavabları izləməyi asanlaşdırmaq üçün nəzərdə tutulub.
Səpələnmiş cavabları tapmaq üçün mesajları vərəqləmək əvəzinə, yeni funksiya konkret mesaja verilən bütün cavabları “X”dəki kimi bir başlıqda qruplaşdıracaq. Bu, axtardığınız mesajla əlaqəli bütün sitatları və cavabları görməyə imkan verəcək, lazım olan məlumatı tapmağı və uzun, qarışıq söhbətlərdə naviqasiyanı asanlaşdıracaq.
Hələlik funksiya inkişaf mərhələsindədir və sınaq üçün əlçatan deyil. “The Verge” hesab edir ki, mesaj zəncirləri həm şəxsi, həm də qrup çatlarında mövcud olacaq. Bu funksiyanın “WhatsApp”ın stabil versiyasında nə vaxt görünəcəyi məlum deyil.
